Nagpaabot nin pagbati si Bureau of Corrections (BuCor) Director General Gregorio Pio P. Catapang Jr. ki Justice Secretary Crispin Remulla sa pagkalatalaga kaini komo bagong Ombudsman.
Sigun ki Catapang, an nasambitan ng appointment an pagbisto sa mayong untok na dedikasyon ni Remulla sa katarungan asin patotoo na mas halangkaw an tiwalang pigtao sa saiya kan mga tawo.
Bilog soboot an kumpiyansa kan opisyal na an mahewas na eksperyensiya asin pusog na paninindugan ni Remulla sa pagpapautob nin ley an maserbeng giya sa saiyang pamamayo sa opisina kan Ombudsman.
Pigtawan duon pa ni Catapang an importansiya kan pusog na liderato asin malinaw na pananaw, orog na sa pagsimbag sa mga huma na kinahampang kan nasyon.
Sigun pa sa saiya, importanteng gampanan kan Ombudsman an papel kaini komo taga-proteher kan derechos kan namamanwaan asin an pagbusol kan katapatan sa serbisyo publiko.
Mientrastanto, tiwala man ining madara si Remulla nin marhay na pagbabago sa pagpapakusog kan transparency asin accountability sa gabos kan antas kan pampublikong serbisyo.
