Nagpasalamat si Senator Erwin Tulfo sa tiwala sa saiya ni Senate President Tito Sotto III makalihis na paramientras na maitalaga komo acting chairman kan Senate Blue Ribbon Committee.
Si Tulfo na vice chairman kan nasambitan ng komite an otomatikong pigsakat komo acting Chairman mantang mayo pa sa mga senador na napipisil an nagtugot na magtukaw sa posisyon.
Sigu ki Tulfo, aram kaini na kadakol na mga Pilipino an naglalaom asin nakaabang sa imbestigasyon partikularmente na sa flood control project anomalies.
Naglalaom man si Sen. Erwin na sa orog na marekas na panahon makahahanap man nin permanenteng chairman an saro sa pinakaimportanteng komite sa Senado.
Naenot nang pigpahayag ni Sotto na “good choice” si Sen. Erwin sa Blue Ribbon huli ta matibay asin igwa ining eksperyensiya sa investigative journalism asin maisog sa paghahapot.
Mantang payo pang nagtutugot gikan sa limang senador na pinagpipiritan na iribay sa nagbutas na si Senate President pro-tempore Ping Lacson, si Tulfo paramientras an mangengenot sa Blue Ribbon.
