Nagpatanid si Senator Erwin Tulfo na pwede kaining ipadakop an maski sisay na senador na makundusi nin pagdangog kan Senate Blue Ribbon Committee nin mayong permiso gikan saiya huli sa ini suboot an lehitimong Chairman kan komite.
Ginibo ni Tulfo an pahayag kasunod kan pagdangog na isinagibo kan Cayetano bloc kan Hunyo 4, kun saen pinangenotan nina Senador Pia Cayetano asin Senador Rodante Marcoleta an nasabing hearing.
Marurumduman na nagtestigo an nagkapirang dating miyembro kan Philippine Marines asin inakusaran an nagkapirang pulitiko asin indibidwal na nakaresiber suboot nin mga maleta-maletang kwarta. Kabali sa mga pinangaranan sina Senador Erwin Tulfo asin dating Senate President Vicente “Tito” Sotto III.
Pinahimutikan man ini ni Tulfo asin tinawan doon kaining mayo nin sapat na ebidensiya na nagsusuporta sa mga paratang kan mga dating soldados. Segun digdi, nagpepreparar na ining magsunad nin kasong libel laban sa mga dating nagpabistong bagman ni dating Ako Bicol Party-List Rep. Elizaldy “Zaldy” Co.
Sinabi man ni Tulfo na “sham hearing” o pekeng hearing an ginibo kan paksyon ni Cayetano. Segun sa senador, dae ini otorisado kan presenteng liderato kan Senado asin dae man suboot nagsunod sa mga patakaran kan Blue Ribbon Committee.
Nagbanta pa si Tulfo na dai niya tutugutan an ano man na kaparehong pagdinig sa maabot na panahon asin tinawan doon kan senador na kun dae ini madadakop, siya mismo an makaladkad sa mga mabalgar paluwas sa plenaryo.
Hinamon man ni Tulfo an mga nag-aakusar sa sainda na magsumitir nin konkretong ebidensiya sa Office of the Ombudsman kun talagang gusto nindang patunayan an saindang mga paratang.
Nakatakdang magsagibo nin opisyal na pagdangog an Blue Ribbon Committee sa Lunes, Hunyo 8, kun sain inaasahan na iimbitaran giraray an mga dating sundalo tanganing magtao nin saindang testimonya sa irarom kan itinakdang proseso kan komite.
