NAGA CITY- Makundusir nin Health Caravan an Philippine Red Cross Camarines Sur Chapter sa siyudad nin Iriga sa maabot na aldaw nin Domingo, October 12, 2025.
Sa entrevista kan Bombo Radyo Naga ki Maria Felisa Badiola, Chapter Administrator kan Philippine Red Cross Camarines Sur Chapter, sinaysay kaini na target nindang mabenipisyaran an nasa 500 na indibidwal sa may parte kan San Vicente Sur sa nasambitan ng siyudad.
Sigun ki Badiola, sa tabang kan saindang mga kapartner na opisina asin kolaborasyon sa mga doktor naglalaom ini na makakatabang sa komunidad na saindang maseserbehan kan programa.
Katakod digde, sa nasambitan ng health caravan magkakaigwa nin libreng medical asin distribution kan mga bulong, registration, screening tanganing maaraman an kaipuhan kan mga pasyente.
Ini an bukas sa mga kaakian asin mga adults kan saindang kapartner na barangay. Apwera digde, yaon man an libreng haircut sa mga mawot kaini, libreng pagkakan asin naka-standby na ambulance.
Katakod digde, pigtawan duon kan opisyal na obheto kan nasambitan ng programa na maparekas an pagtatao nin benipisyong pansalud sa mismong lugar na dae na soboot kaipuhan kan mga tawo na magpasiring sa harayong lugar. S
Sa ngunyan, isasagibo an nasambitan ng aktibidad puon alas 7 nin pagka-aga hasta sa matapos ini.
