Pigsierto ni Presidential Communications Office (PCO) Secretary Dave Gomez na pokus ngunyan ni Presidente Ferdinand R. Marcos Jr. an kasalbaduhan asin kapakanan kan mga namamanwaan sa mga lugar na naapektaran kan nangyari na pagyugo-yugo.
Sigun ki Gomez, mawot kan Presidente na masierto an kasalbaduhan asin kapakanan kan mga Pilipino sa mga lugar na tinamaan kan linog.
Komo simbag sa direktiba kan Presidente, pig-sugo an gabos kan mga magkakanigong frontline agencies na magtrabaho nin mayong untok tanganing magkundusir nin mga rescue asin relief operations.
Padagos an koordinasyon kan mga ahensya kan gobierno tanganing masierto na marhay na naihahatod an serbisyo asin tabang sa mga nangangaipuhan, mantang pigsusuri man an he was kan danyos na kawsa kan linog.
