Naibulsa ni Terrafirma rookie coach Ronal Tubid an saiyang enot na kapangganahan sa PBA Season 50 Philippine Cup.
Ini an makalihis banggaon kan Dyip an NLEX Road Warriors, 97-91, tampok an 18 points ni no. 56 overall pick JM Bravo sa Ynares Center sa Antipolo City.
Huring nanggana an Terrafirma kan Abril 5 sa pagbukas kan Season 49 Philippine Cup kun saen ninda nadaog an Phoenix, 95-87.
Dae nasundan kan Road Warriors an saindang 85-84 na paglusot sa nagdedepensang San Miguel Beermen.
Kadikit pang mabalewala an pigtindpg na 16-point lead kan Terrafirma 78-62, sa pagbubukas kan fourth quarter kan magkarani an NLEX sa 91-93 sa huring 59.4 na segundo.
An scoop shot ni Jerrick Ahanmisi an liwat nagrayo sa Dyip sa 95-91 sa natatadang 37.1 segundo, mantang an undergoal shot ni Bravo sa huring 12.3 segundo an nagtapos sa saindang kapangganahan sa Road Warriors.
