Bilang parte kan preparasyon sa pagkomemorar kan Undas 2026, pinakusog kan mga awtoridad an pagpromote kan drug testing kan mga drayber tangarig na maseguro an kaligtasan kan mga biyahero asin maibitaran an mga aksidente sa tinampo.
Sa intrevista kan Bombo Radyo Naga ki PMAJ Arman G. Rubio, Station Commander of Police Station 5, Naga City Police Offic, pigtawan-duon kaini an kahalagahan kan pagpasairarom sa drug testing sa mga drayber, partikularmente an mga driver nin bus asin tricycle, ngani na masierto na bako sindang nasa irarom kan impluwensya kan iligal na droga mantang nagmamaneho.
Sigon ki Rubio, pwedeng makaapektar sa gawi asin kakayahan kan sarong driver an paggamit nin iligal na droga, posibleng magin peligro bako sana sa saindang sadiri kundi maging sa mga pasahero.
Katakod kaini, inenkaminar kaini an mga drayber na magin responsable, maingat sa pagmaneho asin makikooperar sa mga lakdang na katuyuhan na mamantenir an road safety ngonian na Undas.
An nasabing aktibidad pinangenotan kan NPO, katuwang kan Philippine Drug Enforcement Agency (PDEA) asin kan Naga City Police Office, bilang parte kan coordinated effort kontra sa iligal na droga.
Obheto kan inisyatiba na maseguro an ligtas na pagbiyahe para sa publiko sa piglalaoman na paglangkaw kan mga motorista asin pasahero na nagbibiyahe sa paggirumdom kan Undas 2026.
