NAGA CITY – Nagpepreparar na an COMELEC-Naga para sa isasagibo na voters registration sa October 20, hasta May 18, 2026.
Sa entrevista kan Bombo Radyo Naga ki Atty. Maico Julia Jr., Comelec Officer kan siyudad nin Naga, sinaysay kaini na nagpepreparar na an mga personahe na iyong in-charge sa pagkundusir nin seminar dapit sa mga procedure asin mga importanteng kaipuhan sa voters registrastion.
Katakod kaini, igwa man nin satelite registration sa mga barangay kan siyudad sa mga bulan na isasagibo an nasambitan ng registration.
Sa ibong kaini masagibo man nin satelite registration an COMELEC sa mga eskwelahan para sa voters registration.
Dugang pa kan opisyal, an requirements digde iyo an birth certificate asin kun igwa man nin National ID.
Siringman sa 18-anyos pataas matao sinda maski anong klase nin Goverment Id asin enkaso kumpleto na ini magpasiring sana sa opisina para sa registration.
Mientrastanto, bukas an opisina kan Comelec-Naga puon Lunes hasta Sabado puon alas 8 nin pagka-aga hasta alas 5 nin pagkahapon.
Sa ngunyan, pangapudan na sana ni Julia sa publiko na amay magparehistro an mga residentes kan kada barangay tanganing amay man na makatapos.
