Mas pinagkakatiwalaan ngunyan kan mga Pilipino an media komo primerong institusyon na makakatabang sa paglaban sa korapsiyon sa nasyon sigun sa pinakabagong nationwide survey kan Pulse Asia na iniluwas ngunyan na Miyerkules.
Basado sa resulta kabanga kan mga nasa hustong edad o 51% an nagsabing igwa sindang dakulang tiwala sa media, mantang 50% man an nagtutubod sa mga civil society group o mga non-government organization o NGO sa pagsimbag sa mga isyung igwang koneksiyon sa korapsiyon partikularmente na sa mga proyekto sa flood control.
Sa ibong na bansa kapansin-pansin na hababa an tiwala kan publiko sa mga ahensiya kan gobyerno.
Nagluluwas sa survey na 81% kan mga Pilipino an mayong tiwala sa Department of Public Works and Highways o DPWH mantang 45% man an dae nagtutubod sa Presidente.
An tiwala sa Senado an nasa 375, mantang an Mababang Kapulungan an igwang 25% sana.
Mientrastanto, 39% man an nagtitiwala sa Office of the Ombudsman.
Para man sa bagong tatag na ndependent Commission for Infrastructure o ICI, sulamenteng 23% sana an igwang tiwala digde, mantang 56% an nagtitinir na dae pa sierto sa kredibilidad kaini.
Sigun sa Pulse Asia, an survey an isinagibo sa 1,200 adult respondents sa bilog na nasyon puon Setyembre 27-30, 2025 sa paagi kan face-to-face interviews, asin igwang ±2.8% na margin of error.
Sa kabilogan, pigpapahiling kan resulta na apwera sa media asin mga NGO, kadaklan sa mga institusyon kan gobyerno an padagos na naghahamapng sa hababang tiwala o mayong kasiertuhan gikan sa publiko.
