Pigsierto ni Presidential Communications Office (PCO) Secretary Dave Gomez na determinado si Presidente Ferdinand Marcos Jr., na panimbagaon an mga tiwaling opisyal asin wakasan an kultura kan korapsiyon sa gobyerno.
Sigun mi Gomez na naghihingowa an administrasyon tanganing maibweltada an tiwala kan publiko asin mga mamumuhunan sa paagi kan transparency asin mga reporma.
Dugang pa ni Gomez na sisiertuhon ni Presidente Marcos na maninimbag an sisay man na imbwelto sa iregularidad asin salang paggamit kan pondo kan bayan.
Pigpunto pa ni Gomez an pagkakatatag kan Independent Commission for Infrastructure (ICI) na obhetong magsagibo nin imbestigasyon asin magrekomendar nin kaso kontra sa mga responsable.
Bilog man an pagtubod ni Gomez na makakatabang an matatag na paninindugan kan gobyerno kontra sa katiwalian asin an pagbabagong institusyonal tanganing mamantinir an tiwala kan mga mamumuhunan asn katatagan kan ekonomiya.
