Nagin mabunga an liwat na pakikipag-ulay ni Ukrainian President Volodymyr Zelensky ki US President Donald Trump.
Pigsagibo an pag-ulay tanganing ibusol an ceasefire kan Ukraine asin Russia.
Katakod kaini, pig-omaw ni Zelensky si Trump huli sa trayumpo sa pagbusol kan peace deal.
Kaibahan soboot sa napag-ulayan an enot na planong pagtatao nin US kan Tomahawk missiles sa Ukraine komo pangdepensa sa Russia.
Mientrastanto nagbago an isip ni Trump huli ta posible na maglangkaw pa an tensiyon asin kaipuhan man kan US para sa saindang depensa an nasambitan ng missiles.
Makakaraot man ini sa magigin pag-uulay ni Trump ki Russian President Vladimir Putin na nakatalaan maghilingan sa masunod na semana sa Hungary.
Sa ngunyan, nagtutubod si Trump na harani ng matapos an labanan sa pag-ultanan kan Russia asin Ukraine kun madagos na an ulayan sa masunod na semana.
