Pigrekomenda ni Senator Bam Aquino na iiba sa matawan nin libreng tertiary education an mga Expanded Tertiary Education Equivalency and Accreditation Program (ETEEAP) grantees.
Sa pagdangog kan budget kan Commission on Higher Education, pigsaysay ni CHED Chairperson Shirley Agrupis na dae kaiba sa mga beneficiaries an free higher education an mga estudyante kan ETEEAP huli ta dae man sinda regular student asin igwa na sindang mga trabaho.
Mientrastanto, pigpunto ni Aquino na siring sa ibang regular na mga estudyante, kadaklan sa mga ETEEAP students nag-aadal tanganing tapuson an saindang bachelor’s degree.
Dapat soboot matawan nin libreng college education an mga ETEEAP grantees huli ta laog man sinda sa requirement na undergraduate asin nagkukua nin bachelor’s degree, nag-aadal sa mga state universities, colleges, local universities, colleges asin Filipino citizen.
Sigun pa man ki Agrupis na pag-aadalan ninda asin gigibuhan na man ninda nin guidelines tanganing maiiba sa RA10931 o an Universal Access to Quality Tertiary Education Act an mga estudyante kan ETEEAP.
