Pigsierto ni House Speaker Faustino “Bojie” Dy III sa publiko na dae maaabuso asin magagamit sa sala an ₱249 billion na unprogrammed appropriations sa irarom kan proposed ₱6.793-trillion na 2026 national budget.
Sigun ki Dy, an unprogrammed appropriations reserbang pondo na gagamiton sana kun magsobra an koleksyon kan gobierno.
Pigtawan duon ni Dy, an unprogrammed funds naayon sa ley, transparent asin igwang piglatag na proteksyon o safeguards an kamara tanganing higutan an paggastos kaini.
Kaiba sa binanggit ni Dy an pagsumiter kan special budget request kan mga ahensya na suportado kan mga dokumentong madetalye kun paano gagamiton an pondo.
Obligado man an mga ahensya na magsumiter nin quarterly report kun paano ginastos an unprogrammed appropriations.
Dugang pa ni Dy, mabilog man an Kongreso nin oversight committee na mabantay sa implementasyon kan pondo tanganing masierto na kada piso an nagagamit nin tama.
