Nagtabangan sinda American import Lindsey Vander Weide asin Fil-Am Brooke Van Sickle tanganing tabangan an Petro Gazz sa 25-15, 20-25, 25-23, 25-21 pagdaog sa Chery Tiggo sa 2025 Premier Volleyball League (PVL) Reinforced Conference sa Capital Arena sa Ilagan City, Isabela.
Naghataw si Vander Weide nin 25 points asin 11 receptions asin nagkolektar si Van Sickle nin triple-double na 25 markers, 15 receptions asin 10 digs para sa 2-1 baraha kan Gazz Angels sa Pool B.
Nagpuon an 2024 PVL All-Filipino Conference champions sa 20-25, 21-25, 25-17, 20-25 pagyukod sa nagdedepensang Creamline Cool Smashers.
Nag-ambag sinda Myla Pablo at Fil-Am MJ Phillips nin tig-10 markers asin nakapagrehistro si setter Julyana Tolentino nin 21 excellent sets.
Bagsak an Crossovers sa ikatolong sunod na daog makalihis an runner-up finish sa PLDT High Speed Hitters kan nakaaging 2025 PVL On Tour.
Sa likod kaini si Cuban reinforcement Yani Batista asin Cess Robles nakatabla an Chery Tiggo sa second set, 25-20, asin nakabuhat liwat gikan sa 9-16 pagkakawalat sa third frame.
Pigbwelta ni Van Sickle sa porma an Petro Gazz tanganing kuonon an 25-23 na kapangganahan sa nasambitan ng yugto asin ilista an 2-1 bentahe sa kawat.
Naibulsa man an Crossovers na 21-19 abante sa fourth set sa pamanayo ninda Batista asin Mylene Paat.
Nag-init an mga kamot ni Vander Weide asin pighataw an apat sa huring anom na puntos kan Gazz Angels tanganing tapuson an kawat sa 25-21.
Nagbira man si Batista kan 21 points sa lado kan Chery Tiggo kasunod an 14 markers ni Robles.
