Pigsugo kan National Disaster Risk Reduction and Management Council (NDRRMC) na dapat magkundusir nin mga infrastructure audit asin magkasa nin regular na earthquake drills an mga lokal na gobierno komo pagpreparar sa mga kalamidad partikular na sa linog.
Sa memorandum na pigluwas ni NDRRMC Chairman asin Department of National Defense (DND) Secretary Gilberto Teodoro, nakapalaman na dapat na pangasiwaan kan mga ahensya katabang an lokal na gobierno an pagtatasar kan mga assessments na ini tanganing masiertong mababantayan nin tama an mga posibleng danyos na masasapo enkaso igwang nagtama na anuman na panibagong pagyugo-yugo sa nasyon.
Nakapalaman man sa memo na ini na dapat mas pakusugon man an Public Information efforts tanganing malikayan an pagpapakuriyat sin pagtatao nin panic asin stress sa publiko na epekto kan mga salang impormasyon.
Apwera pa kaini na dapat soboot magkaigwa nin mahigot na relasyon an mga regional DRRM offices sa Philippine Institute for Volcanology and Seismology (Phivolcs) para sa mga teknikal na suporta enkaso kakaipuhanon.
Mientrastanto, naenot na digde pigsairarom ni Teodoro sa sarong review an mga contingency plans kan mga lokal na gobierno tanganing masiertong updated an mga ini.
