Pig-endorso na tolos sa plenaryo an Senate Bill 1215 o an prosopwestong pagkriar kan Independent People’s Commission (IPC) na pigbubusol ni Senate President Tito Sotto III.
Ini makalihis na tapuson kan Senate Committee on Justice and Human Rights an pagdangog dapit sa prosopwesto na gibuhong permanenteng ley an pigbibilog na Independent Commission for Infrastructure (ICI) na magigin IPC para sa mga imbestigasyon kan iba pang mga anomalya sa government infrastructure.
Sigun ki Senate Committee on Justice Chairman Kiko Pangilinan, mabilog na nin technical working group na iyo an mahimay sa probisyon ka prosopwestong ley asin sa pagbubwelta kan sesyon sa November 10 piglalaoman na iisponsoran na an committee report sa plenaryo.
Hahagadon man kan komite an sertipikasyon kan presidente tanganing maparekas an pag-aprubar asin pagsasabatas kaini.
Suportado man ninda dating Senate President Franklin Drilon, dating Supreme Court Chief Justice Reynato Puno, ICI Chairman dating Justice Andres Reyes Jr., asin ICI member dating Department of Public Works and Highways (DPWH) Secretary Rogelio Singson an pagkakaigwa nin IPC.
