Pigsayumahan kan korte sa Pasig an bagong kahagadan kan nakakulong na si Pastor Apollo Quiboloy na isairarom sa hospital arrest.
Sa sarong kasuguan na may petsang Oktubre 8, sinaysay kan Pasig Regional Trial Court (RTC) Branch 159 na mayo ining nahiling na magabat na rason tangani isairarom si Quiboloy sa hospital arrest sa Philippine Heart Center o sa Medical City.
An records malinaw na pigsasabing an saiyang medical needs an dapat na pirmeng atendiran mantang nasa kustodiya kan Pasig City Jail, asin padagos na ma ako nin tama, napapanahon asin supisyenteng medikal na pag ataman sa ospital, sa irarom kan superbisyon kan mga competent na medical professionals, dugang pa kan opisyal.
Sa saiyang kahagadan, sinaysay ni Quiboloy na nakakamate ini nin pauru-utro na kakapusan sa paghangos, na inibahan kan pauru-utro na kalintura, pangugulog kan kalamnan, asin abo mantang nakakulong.
Siringpaman, binanggit kan RTC na na-clear si Quiboloy kan sarong ospital kan nakalihis na bulan nin Setyembre.
An Pasig RTC Branch 159 an nagkakapot sa non-bailable qualified human trafficking charge sa irarom kan Section 4(a) ng Republic Act No. 9208, siring kan amyendaran. Mientrastanto, an pagdangog kan nakalihis na aldaw an pig balyo sa Disyembre 11.
Nilalaomang tumestigo kan nakalihis na aldaw si dating Philippine National Police chief Nicolas Torre. Kan nakalihis man na taong 2024, sinayumahan man kan korte kan Pasig an naenot na plea ni Quiboloy para sa hospital arrest.
Nahahampang man an Davao City-based religious leader sa mga kaso sa irarom kan Section 5(b) asin Section 10(a) kan Republic Act 7610, o an Special Protection of Children Against Abuse, Exploitation, and Discrimination Act, na may QC court
