NAGA CITY- Mapadagos an pigsasagibong satellite registration kan Comelec Naga ngunyan na tapos na an pag-obserbar kan Undas 2025.
Marurumduman na kan nakalihis na Oktubre 28 nagpuon an Satelite registration sa mga saradit na Barangay siring kan Bagumbayan Sur asin kan Oktubre 29 sa Barangay Balatas.
Sa entrevista kan Bombo Radyo Naga ki Atty. Maico Julia, pigsaysay kaini na puon sa Nobyembre 5 mapadagos na an saindang Satelite Registration.
Katakod kaini, sa nasambitan ng aldaw nakatalaan na duduman kan COMELEC Naga an Barangay Abella, Nobyembre 6 an Carolina, Nobyembre 12 an Concepcion Grande, Nobyembre 13 Concepcion Pequeña, Nobyembre 19 Dayangdang, Nobyembre 20 Barangay Del Rosarion, Nobyembre 26 an Dinaga asin sa Nobyembre 27 an Igualad.
An mga nasambitan Ng aldaw an piglatag na schedule kan COMELEC Naga ngunyan na Nobyembre para sa Satelite Registration.
Sa ngunyan, hagad na sana kaini an kooperasyon kan gabos para sa matrayumpong voters registration sa siyudad nin Naga.
