Narekober na kan search and rescue team an mga lawas kan anom na tawo na lunad kan nagbagsak na Super Huey helicopter kan Philippine Air Force (PAF) sa banwaan nin Loreto, Agusan del Sur kasuudma pasado alas alas-10:55 nin aga.
Sigun ki Col. Christina Basco, tagapataram kan PAF, kabali sa mga nagadan an duwang piloto asin apat na crew member na parehas na miyembro kan saindang search and rescue group.
Kaibahan ninda sa operasyon an tolong iba pang helicopter units.
An nasambitan ng chopper an gikan sa Davao City asin pasiring kuta sa Butuan City tanganing mag-preposition asin maghatod nin ayuda para sa mga biktima kan Bagyong Tino, kan mawaran ini nin komunikasyon sa iba pang helicopter na kasabay sa misyon.
Padagos pa man pigsasagibong imbestigasyon tanganing maaraman an rason sa pagbagsak kan nasambitan ng helicopter.
