Pigpaalerto ni Presidente Ferdinand Marcos Jr., an Department of Information and Communications Technology (DICT) asij gabos kan cyber teams kan gobierno sa Distributed Denial of Service Attack kontra sa mga serbisyo kan gobierno ngunyan na aldaw, November 5.
Sigun ki Palace Press Officer asin PCO Undersecretary Atty. Claire Castro, alagad mayo pang kumpirmadong grupo o indibidwal na pigtutukdo na nasa likod kan huma naka-full alert an gabos kan cybersecurity units.
Pigsabi man ni DICT Secretary Henry Aguda na naka-activate na an “Oplan Cyber Dome”, sarong mahewasang operasyon tanganing maproteheran an mga digital services kan gobierno asin mga kritikal na imprastruktura siring kan mga bangko, telcos, ospital, asin iba pang pribadong sektor na target kan cyberattacks.
Mahigot man an koordinasyon kan gobierno asin pribadong sektor tanganing masierto na salbado, dagos-dagos, asin accessible an gabos kan online platforms dawa pa magkaigwa nin online attack.
Pigsierto man kan DICT na may alternatibong paagi an publiko na pwedeng magderitso sa mga ahensiya kan gobierno para sa in-person transactions enkaso maapektaran an online systems.
