Pig-anunsiyar kan Department of Foreign Affairs (DFA) na nakikipag-tabangan na ini sa mga otoridad kan France tanganing mabawi o maribayan an nawawarang bust o head sculpture ni Jose Rizal sa Place Jose Rizal sa Paris.
Sigun sa DFA, nawawara an bust puon kan Oktubre 25 o 26, asin tulos ining pig-report sa mga lokal na otoridad.
Dugang pa ni DFA spokesperson Angelica Escalona na padagos an koordinasyon kan embahada kan Pilipinas sa mga otoridad kan Paris tanganing subaybayan an imbestigasyon.
Maski dae pa aram an rason kan pagkawara, pigsabi man na an mga pampublikong monumento siring kan bust perming nagigin target kan paghahabon.
An bust, na pig-ukit ni Gérard Lartigue, piglunsar kan 2022 komo sarong simbolo kan pag-aamiguhan kan Pilipinas asin France, asin nagseserbing importanteng landmark para sa mga Filipino sa Paris.
