Primero an Pilipinas sa 2025 World Risk Index komo pinakalantad na nasyon pag-abot sa baha gikan sa 193 nasyon.
Ini an basado sa report kan Forest Foundation Philippines sa pagdangog kan House Committees on Sustainable Development Goals asin Climate Change kan nakalihisbna Martes, Nobyembre 4.
Sigun ki Alaya de Leon kan Forest Foundation Philippines, madalas nasa top 3 an nasyon huli sa mahewas na pagkakabaranga kan mga isla asin matinding exposure sa extreme weather events.
Alagad ngunyan na taon, pagbaha an primerong pigtututokan kan report asin naglitaw na dakula an pagkakaiba kan flood risk kada rehiyon, depende sa geography, imprastraktura, asin urban planning kan lambang lugar.
Katakod kaini, nangapodan si De Leon na nature-based asin sustainable solutions kontra sa climate change imbes na darakulang proyekto siring kan dam o sea wall.
Sigun man ki Rep. Jose Manuel Alba, bakong bastante an mga imprastraktura tanganing solusyonan an epekto kan climate change asin dapat mga solusyong makakalikasan an ibusol.
Sinaysay man ni Rep. Aniela Tolentino na an nature-based solutions an makakatabang sa kapalibotan, matao nin kabuhayan sa mga komunidad, asin masuporta sa sustainable development goals.
Dugang pa kan lehislador na prayoridad kan nasambitan ng komite an pagpasar kan low carbon economy bill, mantang pigbabalangkaw akn DENR an executive order para sa mga patakaran sa pagpapautob kan nature-based solutions.
