Pigpahimutikan ni Davao City Representative Paolo Duterte an pagkakaigwa nin mga ghost flood control projects sa saiyang distrito.
Kasunod ini sa pagbuyagyag ni House Deputy Minority Leader and ACT Teachers party-list Representative Antonio Tinio na kadakol na mga flood control projects an maanomalya.
Sigun ki Duterte na kada flood control projects sa Davao asin Matina River an naimplementar.
Mismo an Department of Public Works and Highways (DPWH) asin Commission on Audit (COA) an nagsagibo nin inspection asin validation kan nasambitan ng proyekto.
Pig-akusaran man kaini si Tinio na nagkukua nin atensiyon kaya pigpapakuriyat an puro kautikan.
Marurumduman, pigsaysay ni Tinio na igwang 121 kontrata puon 2019 hasta 2022 basado sa opisyal na datos gikan sa Sumbong sa Pangulo website an igwang anomalya.
An nasambitan ng kantedad kan flood control an mapakol sa P4.35 bilyon sa enot na distrito kan Davao City.
