Nangapudan an Department of Finance (DOF) kan pagpapahigot tanganing maproteheran an mga Filipino gikan sa mga abusadong online lending companies.
Sigun ki Finance Secretary Ralph Recto, nakaabot sa saiyang opisina na dakol mga reklamo kontra sa mga online lenders na nagsisingil nin halangkaw na interest na naglulubog sa utang sa mga tawo.
Dugan pa kaini na importante na higutan an mga online lenders para sa proteksyon kan publiko huli sa pagkuriyat kan mga online lenders.
Marurumduman kan Setyembre pa sana nasa 300 na kaso an pigsunad kan Presidential Anti-Organized Crime Commission (PAOCC) kontra sa mga manlaen-laen na online lending applications.
Advertisement
Advertisement
