Nagpakawara na nin tubig an duwang darakulang dam sa Central Luzon asin Cagayan Valley komo pagpreparar sa piglalaoman na pagtama kan bagyong Uwan.
Enot nagbukas an gate kan Magat Dam kan Nobyembre 6 asin sinundan ngunyan kan Angat.
Basado sa report kan Hydro-Meteorological Division kan state weather bureau, nagpapakawara an Magat nin pigkakarkulong 658.44 cms puon sa sarong gate na igwang duwang metrong opening.
Sa presente nasa 187.64 na meters an lebel kaini. Ini an lampas limang metro antes maabot an normal high water level (NHWL) na 193 meters.
Nagpapakawaranman an Angat Dam nin 58 cms gikan sa sarong gate na binuksan kan dam management.
Mas halangkaw an presenteng water level na 211.14 meters kumparar sa NHWL na 210 meters.
Sa ngunyan, sulamenteng an duwang nasambit na dam an nagbukas kan flood gates komo pagpreparar sa papaabuton na bagyo.
