City Veterinary Office nagpagirumdom sa mga pet owners na iiba an mga ataman na hayop sa pag-ebakwar

NAGA CITY- Nagpagirumdom an City Veterinary Office sa mga pet owners na iiba an mga ataman na hayop sa pag-ebakwar.

Sa entrevista kan Bombo Radyo Naga ki Dr. Johann Michael Sales City Veterinarian, Naga City sinaysay kaini na responsibilidad kan may-sadiri na isalbar man an mga ataman na hayop huli ta igwa man ining buhay kun kaya dapat soboot ining iiba sa pag ebakwar.

Kada evacuation center sa mga Barangay o mga eskwelehan igwang designation na para sa mga ataman na hayop.

Huli ta igwang pigsusunod na protocol na dae soboot pwede ipaghalo sa mga tawo an mga pets huli ta piglilikayan man an komplikasyon sa mga tawo na igwang allergy sa mga hayop.

Alagad aware an ang mga Camp Managers huli ta sinda nag undergo man nin trainings dapit digde.