Pigpapadagos ni dating Speaker Ferdinand Martin G. Romualdez kan Leyte asin kan Tingog Party-list an saindang relief operations para sa mga komunidad na labing naapektaran kan magkasunod na bagyong Tino asin Uwan, na nagpakol sa ribu-ribung residente sa Catbalogan City, Samar.
Pigkakarkulong nasa 3,000 katawo an nakareseber nin food packs asin iba pang primerong pangangaipuhan gikan sa opisina kan Kongresista kan enot na Distrito kan Leyte asin Tingog Party-list.
Pigsagibo an pagheras sa Samar National High School, saro sa mga primerong evacuation center sa siyudad.
Kaibahan an Catbalogan City sa mga lugar na pinakalabing tinamaan kan Super Typhoon Uwan, na nagkawasa nin dakulang danyos sa mga kaharongan asin imprastruktura.
Sigun ki Romualdez, pigsagibo an relief efforts sa pakikipagtabangan sa mga lokal na opisyal asin lider kan komunidad tanganing masierto na an tabang makakaabot sa mga pinakanangangaipuhan.
Mientrastanto, nagsagibo man nin hot meal distribution an Tingog Party-list sa Barangay Silangan Elementary School sa Quezon City para sa mga evacuee na paramientras nagdadagos sa Metro Manila asin Pasig City, sigun ki Tingog Rep. Jude Acidre.
Padagos man soboot nakikipagtabangan an Tingog Party-list sa Office of Civil Defense asin mga lokal na gobierno sa Eastern Visayas tanganing maipadara tolos an mga relief goods asin suporta sa mga residente kan Samar asin Leyte na tinamaan kan magkasunod na bagyo.
