Suportado ni House Deputy Speaker asin Antipolo Rep. Ronaldo Puno an pagsusunad nin Criminal Investigation and Detection Group (CIDG) kan reklamo laban ki Cavite 4th District Rep. Kiko Barzaga katakod sa madahas na insidente sa isinagibong anti-corruption protest kan September 21.
Para ki Puno, marahay na nagdemanda an CIDG tangani madara si Barzaga asin maisip kaini na dae nakakaogma an paggibo nin kadahasan sa kapwa.
Sa pagkakaaram ni Puno, may history nin madahas na asal si Barzaga kaya nagkapirang beses soboot ining napahali sa saiyang nilaogang eskwelahan.
Magin sa Kamara igwa nin nakabinbin man nin reklamo laban ki Barzaga sa House Ethics Committee na pigsunad ni Puno asin kan kinaaniban kaining National Unity Party.
Binanggit ni Puno na nauktaba an pagdangog kan komite sa saindang ethics complaint laban ki Barzaga huli sa pagkasuspinder kan trabaho sa Kamara dara kan panlalamasa kan bagyo.
