Nahahadit si Senator Sherwin Gatchalian na posibleng magamit kan nagkapirang igwang personal na interes an video na pigluwas ni dating Cong. Zaldy Co, kun saen pigtukdo kaini si Presidente Ferdinand Marcos Jr. na nagsugo na isingit an P100 billion sa 2025 national budget sa bicameral conference committee.
Nahahadit si Gatchalian na magamit an video na ini orog pa ta igwang mga nakaambang hiro-protesta sa mga masunod na aldaw.
Apelar kan senador sa publiko na maglikay asin surion na marhay an nagluwas na video ni Co, huli ta igwang mga nagsasabi na posibleng artificial intelligence ini.
Kun tutuuson soboot, nag-veto an Presidente kan P160 billion sa 2025 national budget.
Kun an lehislador an hahaputon, makakamarhay na personal na maghampang sa pagdangog kan Senado si Co kun sinsero ini sa pagsasabi kan katotoohan.
