Liwat na nagsanib-pwersa an Armed Forces of the Philippines (AFP), United States Indo-Pacific Command (USINDOPACOM), asin Japan Maritime Self-Defense Force (JMSFD) para sa panibagong iteration kan Multilateral Maritime Cooperative Activity (MMCA) na isinagibo sa West Philippine Sea kan nakalihis na Nobyembre hasta 15, 2025.
Ini an ikawalong MMCA ngunyan na taon asin ika-13 puok kan itatag an nasambitan ng serye kan pagsasanib-ehersisyo.
Sa kampo kan Pilipinas, idineploy kan Armed Forces of the Philippines (AFP) an BRP Jose Rizal (FF150), BRP Antonio Luna (FF151), asin sarong AW159 helicopter.
An US, nagpartisipar an saindang Nimitz Carrier Strike Group na pigbibilog kan USS Nimitz (CVN68), USS Wayne Meyer (DDG108), USS Gridley (DDG101), asin USS Lenah Sutcliffe Higbee (DDG123).
Mientrastanto, representantes man kan JMSDF an JS Akebono ( DD-108) asin sarong SH-60K Seahawk helicopter.
Nagtaong-suporta man an Philippine Coast Guard gamit an BRP Melchora Aquino (MRRV 9702) asin BRP Cape San Agustin (MRRV 4408), na importante an nagin papel sa pagpapakusog kan Maritime Domain Awareness (MDA) sa West Philippine Sea.
Tampok sa aktibidad an magkakasunod na koordinadong operasyon sa dagat asin himpapawid siring kan Rendezvous Time, Communication Check Exercise, MDA Contact Reporting, Resupply asin Sea Approach, Anti-Submarine Warfare Exercise, Cross-deck Landing Exercise, Division Tactics/Officer of the Watch Maneuver na sinabayan kan Photo Exercise, asin Final Exercise (FINEX).
Pigtawan-duon kan Armed Forces of the Philippines na pigpapahiling kan nagpapadagos na MMCA series an matibay kaining promesa sa pagtatanggol sa soberanya asin karapatan kan Pilipinas asin sa pagpapahusay kan collective defense readiness kaibahan an mga kaalyadong nasyon.
Pigtatawan-duon kan mga aktibidad na ini an determinasyon kan Pilipinas na protehiran an mga kadagatan sakop kaini mantang pigpapakusog an pagpugol sa huma, pagpapahewas kan interoperability, asin pagbubuspl kan malayang paglalayag alinsunod sa rules-based international order sa Indo-Pacific region.
