Mayong katotoohan, iresponsable, mayong basehan, asin mayong magayon na epekto sa nasyon.
Siring kaini kun iladawan ni presidential son, House Majority Leader Sandro Marcos an alegasyon kan saiyang tiyahon na si Senator Imee Marcos kontra sa saiya asin sa saiyang magurang na sinda Presidente Ferdinand Bongbong Marcos Jr, asin first lady Liza Araneta Marcos.
Pigtawan duon pa ni Congressman Marcos, bakong asal kan sarong tunay na tugang an pigpahiling ni Senator Imee.
Dugang pa kaini, nakakamundo an pagtatraydor sa saindang pamilya ni Senator Imee na saiyang nirerespeto asin igwang dakulang papel sa pagpupuon kan saiyang buhay komo sarong public servant.
Makulog para ki Rep. Marcos na nag-abot sa labing pag-uutik si Senator Imee para sa obheto kaining ibagsak an gobierno asin ibusol an ambisyon sa politika.
Katakod kaini nangapudan si Rep. Marcos sa mga Pilipino na magkasararo asin magtabangan para sa katotoohan asin dae na padakulaon an mga dae totoong istorya na obhetong magpalakop nin kariribukan asin destabilisasyon.
