Inaprobaran na kan United Nations Security Council an 20-point plan ni US President Donald Trump para sa Gaza.
Kaibahan sa plano an paglalatag nin sarong International Stabilisation Force (ISF), kum saen sigun sa Amerika, kadakol na mga dae pinangaranang nasyon an nagtangro na mag-ambag digde.
Nagboto nin pabor sa resolution an 13 nasyon kaibahan an United Kingdom, France, asin Somalia, wamyo man nagtutol alagad nag-abstain an Russia asin China.
Alagad maski sa kampo kan grupong Hamas, tinutulan kaini an resolution asin sinaysay na nabigo soboot ining masimbagan an mga derechos asin pighahagad kan Palestinians.
Basado sa reports dapit sa panibagong resolution, parte kan magigin papel kan itatatag na pwersa an gibuhong permanente an decommissioning kan mga armas gikan sa non-state armed groups kaibahan an Hamas siring man an pag-protehir sa mga sibilyan asin sa mga ruta para sa mga humanitarian aid.
