NAGA CITY – Mayong planong magpartisipar sa mga rally sa Metro Manila an alkalde kan siyudad nin Naga.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na an saiyang pokus ngunyan iyo an sa saiyang nasasakupan na siyudad, alagad piglinaw na kaini na bakong boot sabihon na mayo na ining pakiaram sa national issues kan nasyon.
Dugang pa kaini, igwa soboot sindang kaniya-kaniyang piggagampanan na tungkulin, kun saen para sa alkalde, kun mapahiling soboot kaini sa publiko na an marhay na pag-gobernar an nagta-translate sa marhay na serbisyo sa tawo, ini na man an saiya soboot na ambag sa pagpapahiling nin transparency.
Pigtawan-duon pa kan alkalde na mayong mangyayari kun makiribok man ini sa mga rally, huli man ta an saiyang trabaho an yaon digde sa siyudad nin Naga.
Pigheras pa ni Robredo, na mawot kaining ipahiling na kun marhay asin malinig an paggo-gobernar, an nagigin resulta soboot kaini iyo an marhay na serbisyo sa tawo.
Ini man an saiyang magigin contribution sa nation building na posible, huli man ta kun manunutaran soboot ngunyan, an paghiling kan tawo sa mga politiko an pararehas maraot asin corrupt, kaya mawot ni Robredo na ipahiling na an politika bakong maraot, imbes ini an giya sa paggibo nin maray na tunay na matao kan pangangaipuhan kan publiko.
