Suportado ni Russian President Vladimir Putin an ceasefire deal na pigbubusol kan US tangani wakasan na an giyera sa pag-ultanan ninda kan Ukraine.
Sigun sa Russian President na ini an pwedeng magin paagi para sa pagsasapinal kan peace settlement.
Enot digde sinaysay ni Ukrainian President Volodymyr Zelensky na pigtawan ini ni US President Donald Trump nin hasta sa Huwebes sa masunod na semana tangani pagdesisyunan na aakuon an ceasefire plan.
Dugang pa kaini, na sarong hamon ngunyan an kinakahampang kaini huli ta pwedeng mawaran sinda nin kaalyado an US o an saindang dignidad.
Dagos-dagos man an pakikipag-koordinar ni Zelensky sa mga opisyal kan White House dapit sa pagbubusol kan ceasefire deal.
Dugang pa kaini na kaiba sa 28-point peace plan kan US an pagpapasakamot kan Ukraine sa nagkapirang teritoryo ninda sa Russia asin an pagbawi na makaiba sinda sa North Atlantic Treaty Organization (NATO).
