Aram baya nindo kabombo, nagin solusyon kan sarong ama sa Russia an pagtatago tangani na matakasan sana an sustento sa inabandona kaining pamilya.
Na kun saen nag abot na sa puntong taun-taong pagriribay kan saiyang pangaran.
Sigun ki Roman Korenev, an lider kan bailiff service o an ahensyang responsable sa pagkolektar nin mga bayadan sa Tyumen, an nasambitan ng lalaki an legal na pinaparibayan an saiyang bilog na pangaran.
Hasta sa makalihis an sarong taon, ibinabalik kaini soboot sa dating ngaran, asin liwat na pig uutro an proseso.
An obheto iyo an tangani maribong an mga awtoridad, makalikay sa mga bailiff, asin “ma-zero” o mapura an saiyang utang na child support.
Siringman, nilinaw ni Korenev na an modus kan lalaki an mayong silbi. Digde na kaini ipinaliwanag na kun nagribay nin pangaran an sarong tao, an registry office katampad kan Civil Registrar an awtomatikong inirereport an impormasyong ini sa mga bailiff kaya man dae makakatakas an may utang sa pagbabayad nin child support sa siring na paagi.
Bako ini an primerong beses na nakaeksperyesnya an mga awtoridad sa Tyumen, Russia kan mga kakaibang palusot.
Pigheras man ninda na may sarong lalaking nagpamalo-malo na may agoraphobia o an matinding takot na magluwas nin harong tangani sanang dae makalaog kan mga bailiff an saiyang harong tangani makumpiskar an mga pagsasadiri.
