Komo pagpreparar sa dagsa kan mga pasaherong mauli ngunyan na maabot na holiday season, pig-inspeksiyon kan Department of Transportation (DOTR) an Ninoy Aquino International Airport (NAIA).
Kasunod ini sa derektiba ni Presidente Ferdinand ‘Bongbong’ Marcos Jr. na siertuhon na preparado an gabos kan palupadan, terminals, asin pantalan sa paparaning holiday rush.
Sigun ki acting Transportation Secreraty Giovanni Lopez tanganing maparekas asin magin convenient an buong travel experience kan mga pasahero sa NAIA saindang pigbubusol an digitalization sa nasambitan na airport.
Marekas asin convenient na an pag check-in kan mga bagahe huli sa self-check-in asin bag drop counters.
Mientrastanto, piglalaoman man na mas marekas asin mababawasan na an pila sa immigration processing sa arrival area kan mga pasahero asin Overseas Filipino Worker (OFW) huli sa bagong e-gates sa tabang kan facial recognition asin passport scanning features.
Sa ngunyan operational na an mga self check-in asin bag drop counters.
