Nagtutubod si Senate President Sherwin Gatchalian na dapat man mag-commute an mga senador tanganing personal na maranasan an tunay na kamugtakan kan mga nagagamit nin pampublikong transportasyon.
Sa pag-urulay kan panukalang 2027 budget kan Department of Transportation (DOTr), hinapot ni Gatchalian si Transportation Secretary Giovanni Lopez kun ipapadagos pa kaini an direktiba na mag-commute nin pirang beses kada semana an mga halangkaw na opisyal kan ahensya.
Segun ki Lopez, dai niya binabawi an nasabing kautusan asin padagos niya ining ginigibo, dawa na dai na niya ini ipinapahiling o ipinapabida sa publiko.
Inako man ni Lopez na dai na niya nakukumpirma kun ginigibo pa ini kan iba pang DOTr officials kaya nagpasalamat siya ki Gatchalian sa pagpapagirumdom.
Pig-inkaminar man ni Gatchalian si Lopez na ipadagos an pagko-commute huli ta nagin inspirasyon saiya an ginigibo kan sekretaryo.
Tinawan-doon ni Gatchalian, dai kaipuhan na i-Facebook Live o ipahiling sa publiko an pagko-commute huli ta dapat ining magin parte kan aktuwal na eksperyensya asin trabaho kan mga opisyal.
Dagdap pa kan opisyal, dapat man ining gibuhon kan mga senador tanganing mahiling asin maranasan ninda an kamugtakan kan mga ordinaryong commuter.
Binanggit man ni Gatchalian si Sen. JV Ejercito na pirmi suboot nagbibisikleta pasiring sa Senado bilang saro sa mga halimbawa kan lehislador na nakakaranas kan aktuwal na kondisyon sa tinampo.
