Pupwedeng dakupon asin kasuhan nin inciting to sedition an siisay man na raliyista na mangangapudan kan government reset o pag-withdraw kan suporta sa gobierno sa ikakasang anti-corruption rally sa Nobyembre 30.
Pigtawan duon ni Defense Secretary Gibo Teodoro, kun saen, sinaysay kaining iligal an anumang pahayag na nag-eenkaminar sa pag-aatras kan suporta sa gobierno.
Sa kasagsagan kan isyu dapit sa katiwalian sa mga flood control projects, may report na may nag-uudyok sa militar tanganing bawion an suporta sa Presidente asin pangenutan an reset o pagriribay kan liderato sa nasyon.
Nagtutubod man an an sekretaryo na perming may mga banta alagad naglalaoman ining magigin mapayapa an hiro-protesta.
Mientrastanto, pigsierto ni Teodoro na nakapreparar an Office of Civil Defense (OCD) asin mga emergency units para sa anuman na contingency bako sana para sa posibleng kaguluhan kundi pati sa mga urulayang pangsalud na pupwedeng magbutwa sa dakulang pagtiripon.
Nakapreparar man an mga kapulisan para sa worst-case scenario sa peace and order.
