Aram baya nindo mga ka-Bombo, nakilhag asin naribong an sarong monk asin mga kaparinets kan sarong lola na pigtubudang gadan na asin isasairarom sa cremation, makalihis ining magkatok asin maghibi gikan sa laog kan saiyang ataul sa sarong templo sa Thailand.
Pigdara na sa templo an lola para i-cremate sa tabangn kan sarong charity organization.
Alagad kan siripon na an ataul, nahiling nindang naghihiro pa an lola. Sigun sa pamilya kaini, duwang taon nang bedridden an lola. Pirang aldaw soboot ining dae nakakakan antes na mawaran nin pagmangno hasta sa magpundo na sa paghangos.
Dae na man dinara kan pamilya sa doktor an Lola huli ta pigtubudang nindang dagusan na ining nagadan.
Tulos nindang inasikaso an mga dokumento tangani na maibiyahe an lawas kan lola pasiring sa templo na nagtatao nin libreng cremation asin funeral service.
Makalihis na maibugtak an lola sa ataul, ibiniyahe ini nin labi sa 300 kilometro.
Dadarahon na kuta an kabaong sa hall para sa seremonya antes man an cremation kan makadangog sinda nin katok asin hibi gikan sa laog kaini.
Tulos man na nagpaapod nin ambulansiya an kaparientes kan Lola asin dinara ini sa pinakaharaning ospital. Sinaysay kan mga mga sumuring doktor na dae nahilingan an lola nin senyales kan respiratory o cardiac arrest.
Alagad nadiskubre nindang nakaeksperyesnya ini nin hypoglycemia o labing pagbaba kan sugar level na posibleng humantong sa comatose. padagos man na Pigbubulong an lola asin nagtatabang man an templo sa saiyang medical expenses.
