Nagkapirang kongresista asin senador an nagpasiring sa EDSA People Power Monument sa Quezon City tanganing makisumaro sa Trillion Peso March.
Nag-atendir sa EDSA Shrine kasuodma sinda Akbayan Congressman Chel Diokno asin Percy Cendaña na sinda mang nag-iba sa pagmartsa pasiring sa People Power Monument.
Sigun ki Cendaña, saindang piglalaoman na mas kadakol an maiba sa mahewasang hiro-protesta asin nakisumaro man an mga tawo gikan sa manlaen-laen na probinsiya.
Mientrastanto, nangapodan man an kongresista ki Presidente Ferdinand Marcos Jr na parekason na an paglilitis sa nangyayaring korapsiyon sa nasyon.
Sigun man ki Diok nlo, apwera sa pagproseso kan mga kasong kriminal kontra sa mga imbwelto sa korapsiyon, dapat soboot na magkaigwa nin konkretong lakdang an gobyerno para digde.
Nag-abot man sa EDSA Shrine si Mayor for Good Governance Baguio City Benjie Magalong kun saen sinaysay kaini na maski ini mismo, namamatean an sentimyento kan taumbayan kun saen na naluluyahan soboot ini sa imbestigasyon sa anomalya sa flood control projects.
Apwera sa sainda, yaon man sa EDSA People Power Monument para sa hiro-protesta sinda Congresswoman Leila De Lima, Senator Bam Aquino asin Kiko Pangilinan.
Mientrastanto, sigun sa Quezon City District (QCPD), nasa poco mas o menos 4,000 katawo an nagpartisipar sa nasambitan ng protesta.
Kun saen nagkapira sa sainda an nilapatan nin paunang lunas kaibahan an sarong indibidwal na natisod mantang igwang nagkapirang nagpahiling kan saindang blood pressure dara kan mainit na panahon.
