Pig aasegurar kan Land Transportation Franchising and Regulatory Board (LTFRB) na masusing nirerepaso an kada aplikasyon para sa special permits na pigtatao sa mga pampasaherong bus ngunyan na kapaskuhan asin bagong taon.
Obheto kan lakdang na ini na maasegurar an kasalbaduhan asin kaginhawaan kan mga mananakay sa panahon na piglalaomang madakol an mga biyahero.
Pigsierto kan LTFRB na an gabos kan mga bus na tatawan nin special permits an pumasa sa mas rigorous na road worthiness inspections. Sigun ki LTFRB Chairperson Vigor Mendoza II, nilalaoman na madagsa an mga pasahero ngunyan na holiday season.
Kaya man, pinagpepreparan na ini kan ahensya tangani na masimbagan an pangangaipuhan kan publiko sa transportasyon.
Idinagdag pa ni Chairperson Mendoza na mas mainam na sumobra an numero kan mga pampasaherong bus na may special permits kaysa magkulang.
Pigpuonan kan LTFRB an pagresiber nin aplikasyon para sa special permit kan nakalihis na bulan nin November 10 asin nagtapos kan November 21.
Ini an para sa 116 na ruta sa bilog na nasyon. An saklaw kan special permit an gikan sa December 15, 2025 hasta sa January 16, 2026.
