Sinimbag kan Malakanyang an banat ni suspended Cavite Representative Kiko Barzaga laban ki Presidente Ferdinand Marcos Jr. Ini makalihis banatan kan kongresista an Punong Ehekutibo na imbwelto soboot sa mga anomalya asin korapsiyon.
Pinapaluwas kaya ni Barzaga na si Presidente Ferdinand MArcos an nasa likod kan saiyang suspension sa Kamara huli ta kritikal ini sa Presidente.
Sigun man ki Palace Press Officer USec. Claire Castro mayong katotohanan an mga alegasyon ni Barzaga sa Presidente, kundi ginagamit sana kaini an pangaran kan Presidente para ma justify an saiyang ginigibong disinformation.
Kan nakalihis na aldaw sinuspinder kan Kamara si Barzaga huli ta napatunayan ining guilty huli sa disorderly behavior.
Nasa 24 Kongresista an nagsunad nin ethics complaint laban sa aking kongresista. Inihayag ni Castro na nirerespeto kan Malakanyang an desisyon kan House of Representatives manungod sa reklamo laban ki Barzaga.
