Nagsakat sa pang-36 an ranking kan Gilas Pilipinas makalihis an trayumpo sa Window 1 FIBA Basketball World Cup 2027 Asian Qualifiers.
Sa pigluwas na FIBA World Rankings nagin susi an magkasunod na kapangganahan kan Gilas kontra sa Guam.
Kan nakalihis na Nobyembre 28, pigtambakan ninda an Guam sa score na 87-46 sa sadiring court asin pigsunudan kan 95-71 na kapangganahan kan isagibo ini sa nasyon.
An nasambitan ng puwesto an kapot kan Ivory Coast na dae nagkawat sa Window 1 Qualifiers kaya sinda an nagbagsak sa ranking.
Mientrastanto, an masunod na laban kan Gilas an kontra sa New Zealand sa Pebrero 26 asin Australia man sa March 1 na kun saen parehas na isasagibo sa Mall of Asia Arena.
An Australia an nasa ranked number 6 mantang an New Zealand an ranked 26.
