Haros 29,960 pamilya o 103,001 indibidwal an apektado kan Tropical Depression Wilma sa Eastern Visayas.
Ini an pigreport kan Office of the Civil Defense (OCD) Region 8.Nasa labi 3,164 pamilya man o 9,614 katawo an isinairarom sa preemptive evacuation huli sa huma kan pagbaha.
Sa sarong entrevista sinaysay ni OCD Region 8 OIC Director Rey Gozon, dae pa pigpapapuli an mga nag-ebakwar hasta dae pa siero na salbado asin mayo nang makusog na uran na papaabuton.
Padagos man an preemptive evacuation sa mga lugar na flood- asin landslide-prone.Mayo pang kahagadan na dugang na tabang gikan sa mga LGU asin mayo mang nareresebir na reklamo sa pagheheras nin relief goods.
Pinagiromdoman man kan OCD na bawal muna an paglalayag asin iba pang water activities mantang nagtitinir an maraot na panahon.
Sa Eastern Samar, nagkapirang banwaan siring kan General MacArthur asin Llorente an nakaeksperyensiya nin bahang nag-abot hasta tuhod sa pag-apaw kan salog, alagad kadaklan, nagpuon ng maghupa.
Igwa na man naireport na pagbaha sa Legazpi City, Albay; Garchitorena, Camarines Sur; asin nagkapirang insidente kan landslide sa Cebu asin Tawi-tawi kun saen igwang mga pig-ebakwar na residente.
Padagos man na pig-aabisuhan an publiko na sunudon an mga kasuguan kan otoridad para sa saindang kasalbaduhan.
