Dae nahihiling kan Department of Migrant Workers (DMW) an pagpupuli sa Pilipinas kan mga Filipino sa nangyayaring bakbakan sa border kan Thailand asin Cambodia.
Sa ibong kaini, sinaysay ni DMW Secretary Hans Leo Cacdac na nagtitinir na preparado an ahensya kasabay kan pagtabang kaini sa 251 Pinoy sa pitong lugar harani sa border.
An mga teachers asin faculty supervisors sa Cambodia, an dae nahihiling na magkakaigwa nin repatriation. Kun maghupa na man an sitwasyon ay makakabalik an mga ini sa trabaho.
Nagkapira sa mga apektadong Pinoy an nagdadagos sa mga evacuation center mantang an iba an nasa harong kan pirang mga kaibahang Filipino.
Mayo man nin naireport na binawian nin buhay na Pinoy sa sagupaan.
Padagos pa an pagpapaabot nin tabang kan gobyerno kan Pilipinas kan financial assistance sa mga apektadong Filipino na kadaklan an mga paratukdo na kung saen an kanya kanyang mga klase an suspendido huli sa bakbakan.
