Nagsunad nin reklamo an Association of Boxing Alliances in the Philippines (ABAP) sa organizers kan Southeast Asian Games huli sa kontrobersyal na judging sa boxing.
Sigun ki ABAP chairman Ricky Vargas na sa enot na anom na aldaw kan laban an garo igwang kababalaghan huli ta nagresulta ini sa siyam na boksingero kan Thailand an nakalaog tolos sa finals.
Nakapalaman sa surat na labi an saindang pagkadismaya asin pagkairita huli sa pangyayari kaya dapat na magpaliwanag an SEA Games organizers.
Saro sa mga pigtukoy na kontrobersyal an pagkadaog ni Hergie Bacyadan ki Baison Manikon sa women’s 70 kgs. class kun saen natawan pa si Bacyadan nin standing eight count asin deduction alagad nagin tabla an laban makalihis an duwang rounds.
Kaibahan pa sa mga pigrereklamo ninda an pagkadaog kan Pinoy boxers na sinda Riza Pasuit, Ian Clark Bautista, Junmilardo Ogayre asin Mark Ashley Fajardo sa mga nakalabang boksingero kan Thailand.
Sa ngunyan, pig-enkaminar kan ABAP an mga boksingero kan nasyon na orog pang tibayan an saindang mga laban huli ta sierto na mga Thai boxers an saindang makakahampang pag-abot nin finals.
