Nagdesisyon si Zsa Zsa Padilla na ibwelta an Lifetime Achievement Awards na pigtao sa saiya sa 38th Aliw Awards.
Sigun ki Zsa Zsa, makalihis na makareseber ini nin impormasyon na matatawan kan nasambitan ng pagbisto an nagpreparar na ini kan saiyang speech.
Dugang pa ni Zsa Zsa halipot sana man an saiyang sasabihon asin gikan sa saiyang puso kun saen piglalaoman na madalan an saiyang mga kaparientes.
Pag-abot kan awarding nights, pig-apod na ini sa stage kaibahan an ibang awardee na sinda Lani Misalucha para sa live performance asin Frankie Asinero para sa classical music.
Makalihis mareseber an award, paramientras sindang nakatindog sa stage hasta magsenyas an sarong production staff na magbaba na sinda.
Kan haputon ini kan sarong vlogger, sinaysay ni Zsa Zsa na preparado na an saiyang acceptance speech alagad dae ini tinugutan sa stage.
Makalihis an pangyayari nagdesisyon si Zsa Zsa na ibalik na sana an nakuang awards huli sa labing pagkadismaya kun saen saiyang sinaysay na dae patas na natawan nin pagkakataon na magtaram an iba makalihis na mareseber an award alagad ini an garo pinabayaan sana.
