Ipinagsugo ni US President Donald Trump an ganap asin kumpletong pag ulang sa gabos kan oil tanker na pinatawan kan sanction na malaog asin maluwas gikan sa Venezuela.
Sa sarong post, sinaysay ni Trump na iniuri na an gobyerno ni Venezuelan leader Nicolas Maduro komo foreign terrorist organization asin inakusaran nin panghahabon kan US assets siringman kan “Terrorism, Drug Smuggling, at Human Trafficking.”
Ginibo ni Trump an pahayag sarong semana makalihis kumpiskaron kan US an oil tanker gikan sa kadagatan kan Venezuela. Sa ngunyan, mayo pang simbag an Venezuela sa panibagong mga pahayag kan US President.
Mientrsatanto, sinaysay man ni Trump na napapalibutan an Venezuela kan pinakdakulang ‘Armada’ sa histroya kan South America.
Marurumduman, makapirang utri nang inakusaran ni Trump an Venezuela nin drug smuggling asin pagpuon kan bulan nin Setyembre, nagpakol na sa 90 katao an nagadan kan US military sa saindang pag-atake sa mga bangka na nagdadara soboot nin fentanyl asin iba pang mga iligal na droga sa US, alagad pinahimutikan ini kan lado kan Venezuela.
