Ipapautob na kan Land Transportation Franchising and Regulatory Board (LTFRB) an fixed pick-up rate para sa mga Transport Network Vehicle Service (TNVS) ngunyan na holiday season.
Sigun sa LTFRB, ipapautob ini magpuon Disyembre 20 asin madurar hasta sa Enero 4 sa masunod na taon.
Sa irarom kan Memorandum Circular 2025-058 tinugutan na an mga TNVS na maningil sa mga pasahero gikan sa pag ako kan booking hasta sa oras na makaabot sa pick-up location.
Dati, saka sana maniningil nin bayad an TNVS kun nakasakay na an pasahero o mayo pang charge an sarong commuter magpuon kan inako an saiyang booking hasta sa ini an makasakay.
Sigun ki LTFRB Chair Vigor Mendoza, an fix pick-up fare an limitado sana sa five kilometers na radius asin nakatalaan sa kada kilometro.
Para sa hatchback o sub-compact na lunadan, mapuon an rate kan fix fare sa kantidad na P24 hasta P125, depende sa rayo.
Para man sa mga Sedan, igwa ining range na P26 hasta P130; para sa SUV o AUV may fare rate na P29 hasta P145 mantng an mga premium an mapuon sa P58 hasta P289.
Mahigot man an direktiba kan LTFRB sa mga transport network company na bawal sindang magkua nin komisyon sa pick-up fare para mas kumita an mga TNVS driver ngunyan na holiday season.
Soboot, naiintindihan ninda an agrangay kan mga driver kaya naggibo sinda nin win-win solution para sa mga driver asin commuter ngunyan na Kapaskuhan
