Nagluwas nin pahayag si Atty. Gilbert Andres, Executive Director kan Central Law, katakod kan pagluluwas nin public redacted versions kan obserbasyon gikan sa Office of the Prosecutor, Office of the Public Counsel for Victims, asin kan Depensa sa International Criminal Court (ICC).
Sigun ki Andres, positibong lakdang para sa mga biktima kak “war on drugs” an pagbistado kan Expert Panel na si dating Presidente Rodrigo Duterte an competent of fit to stand trial sa pre-trial proceedings.
Hurot kaini na haloy nang naiintindihan kan mga biktima na igwang kakayanan si Duterte na maghampang sa paglilitis, kaya piglalaoman nindang bistuhon ini kan Pre-Trial Chamber.
Naglalaom man an mga biktima na tulos na magtalaan nin confirmation of charges tanganing maibusol an saindang derechos sa hustisya asin katotooha sa irarom kan International law.
An ICC an presenteng nagsasagibo nin imbestigasyon sa ribu-ribong pagkagadan na naganap sa irarom kan kampanya kontra droga puon 2016 hasta 2019.
Pigkakarkulong labi 30,000 katawo an nagadan sa anti-drug operations, kadaklan gikan sa mga nagtitios na komunidad na iyong basehan kan kasong crimes against humanity.
Kun bibistuhon kan ICC Pre-Trial Chamber an kakayanan ni Duterte na mag-atendir sa paglilitis, piglalaomang masunod sa lakdang an pormal na pagdangog sa mga kaso kontra sa saiya.
